Nongpoh, Jymmang 30: U Ma Ngailang Dhar kum u Chief Adviser ka NPP Umroi Block bad uba dei ruh u MLA barim ka Umroi mynta ka sngi u la kam ba dei ma u, uba la wan rah ia ka party NPP ha Umroi.
Ia kane la kren da u Ma Ngaitlang Dhar haba kren ha ka jingialang mynta ka sngi ha Dwarksuid ba ka NPP ka la pdiang sngewbha ia ki nongialam bad ki nongkyrshan ka UDP sha ka sem jong ka NPP Party.
Ha kawe ka bynta, u la ai ruh ka jingiaroh ia ka Samla Naphi Marwein kaba la dep ban pdiang burom ia ka da ki nongialam ka State NPP bad mynta ka sngi pa la ioh ban pdiang burom ia ka bad ia baroh ki nongialam bad ki nongkyrshan ka UDP kiba la wan ban pyniasoh noh sha ka NPP na ka bynta ban ia tylli lang ban trei na ka bynta ki jingmyntoi jong ki paidbah ka Umroi Constituency.
U la ong ruh ba u kyrmen skhem ba kine ki nongialam UDP bad ki nongkyrshan ki wan ban pyniasoh sha ka NPP ym tang ba ki sngewtynnad ia u Damanbait Lamare kum u MLA ne ia ka ïing ka sem jong u, hynrei ki wan ban pyniasoh halor ki jingtreikam ka sorkar MDA-2 ba lalamkhmat da ka party NPP hapoh ka jylla.
Shuh shuh, na ka liang u Ma Ngaitlang Dhar u la pynpaw ia ka jingkmen halor kane ka jingwan rung NPP ki nongialam bad ki nongkyrshan ka UDP bad u kyrmen skhem ba kin dang lah ban iatrei lang bad ka sorkar na ka bynta babn wan rah ia ki jingmyntoi bad ki kam pynroi u paidbah hapoh ka Umroi Constituency, u la bynrap.
Sa Peit Ruh