Shillong, Nailar 02: Ka Iingbishar Judicial Magistrate (first class), lyngba u DKK Mihsill hynne ka sngi kala pynjlan iaka jingtohkit Judicial Custody ia baroh 5 ngut kiba shah kem halor ka jingkynnoh pyniap ia Raja Raghuvanshi ha Sohra.
Kine kiba shah kem ki kynthup ka Sonam Raghuvanshi, Raj Kushwaha bad u Vishal Chauhan kila shah pynngat biang Judicial Custody sa 14 sngi.
Ia kane la pyntip da u Assistant Public Prosecutor Tushar Chanda hadien ka jingshah bishar lyngba ka Video Conference.
Lah ban kdew ba haka 31 tarik Naitung ki 2 ngut kata u Akash Rajput bad Anand Kurmi, kiba shah kem lang halor ka jingiap u Raja Raghuvanshi kila shah pynngat biang Judicial Custody sa 14 sngi.
