Shillong, Jymmang 4:
Katba ka jingniew ia ka vote na ka bynta ka 1-Shillong Parliamentary Constituency ka dang iaid shakhmat, ki nongialam bad ki paidbah nongkyrshan jong ka Voice of the Peoples Party (VPP), ki la pynkhreh shaid shaid ban pynlong ia ka jingiaid rally jingjop hadien ba u kyrtong jong ka seng, u Dr Ricky AJ Syngkon u la tam kput ia kiwei de ki kyrtong kiba iakhun pyrshah na ka seng Indian National Congress (INC) bad ka National People’s Party (NPP).
Kat haduh ka por 1 baje janmiet, u Dr Ricky AJ Syngkon jong ka VPP u la ioh haduh 529060, bud sa Bah Vincent H Pala jong ka INC da 182725 bad ka Kong Ampareen Lyngdoh jong ka NPP da 175371. Wat lada ka jingniew ia ki vote kam pat kut satia, hynrei katei ka jingtam kput kala pynlong ia ki nongialam bad nongkyrshan jong ka VPP ban pynkhreh lypa ia ka jinglehkmen, naba ki la sngewthuh shai ba u kyrtong jong ka seng un ioh ia ka jingjop donburom.
