New Delhi, Naitung 12: U Myntri Rangbah ka Sorkar Meghalaya, Shri Conrad K. Sangma, u la wan ban sakhi lang ha ka sngi pynkut noh ïa ka 4th Meghalaya Pineapple Festival kaba la long ha Dilli Haat, New Delhi, ha kaba u la pynpaw ïa ka jingsngewkmen halor ka jingjop jong kane ka tamasa kaba la pyni paidbah ïa ka jingitynnad bad ka jingbha jong u sohtrun Meghalaya.
Ha kane ka sngi pynkut, u Myntri Rangbah u la shim bynta ruh ban rwai lang bad ki kynhun rwai na Meghalaya, kaba la pynlong ïa ka prokram ban kham shongshit bad pynkmen ïa ki paidbah kiba la wan ban sakhi ïa ka tamasa.
Ki paidbah bad ki nongwan jngohkai na Nongbah Delhi kiba la poi sha Dilli Haat ban leit peit ïa kane ka tamasa, ki la ai ka jingkyrshan bad ka jingiaroh ïa u Myntri Rangbah bad ïa ka jylla Meghalaya halor ka jinglah ban pynpaw ïa ki mar rep, ka kolshor bad ka jingriewspah jong ka jylla ha ka rynsan jong ka ri.
Sa peit ruh
