Nepal, Nailar 26: Kumba 17 ngut ki briew ki la duh iala ka jingim bad bun ngut ki dang jah rngai hadien ka jingshlei um kaba jur bha ryngkat ka ktieh ha khappud jongka ri Nepal bad Tibet, kaba la rong noh ia ki shnong bad pynjulor ia ki surok bad kiwei kiwei ki jingtei.
Ka jingshlei um ka la jia dang step mynstep myntaka sngi Balang ha ka thain Rasuwa, kaba don shaphang shatei jong ka nongbah Nepal, Kathmandu. Katkum ka jingtip, la ong ba ka daw jong katei ka jingshlei um kadei namar ka jing um jong ki thah kiba la tuid shaka wah Bhote Koshi.
Ki jingwad bad bad pyllait im iaki briew ka dang iaid ha baroh arliang jong u khappud hapdeng Tibet bad Nepal, bad haduh mynta 12 ngut ki briew ki la lah ban pyllait im.
Ki lad pathai khubor sorkar jong ka ri China, kaba synshar iaka Tibet, ki la iathuh ba ka jingduh briew ka long kaba khraw, katba ki heh sorkar Nepal ki la ong ba ki khmih lynti ia ka “jingduh kaba khraw shibun”.
Bun ki bynta kiba don shapoh ka wah Bhote Koshi, kaba tuid na Tibet sha Nepal, ki la don hapdeng ka jingma kaba jur. Ki surok, ka jingpyniasoh bad ka bording ilektrik ha katei ka thaiñ ki la shah ktah. Ki bor pyniaid ki la iathuh ba ka surok bah kaba leit sha Kathmandu ruh ka la khang na katei ka jingjia.
Peit ruh:
Ki bor sorkar jongka ri Nepal ki la kyntu ia ki briew kiba shong hajan ki wah ha ki thaiñ kiba lah ban shah ktah ban long kiba peitngor bad shim ia ki lad jingiada ban lait na ki jingjia ba sngewsih.
