Shillong, Jylliew 19:
Ka kynhun jong ki myntri sorkar ka jylla, kiba la shong jingialang mynta ka sngi, ki la shim ia ka rai ban thung noh ia ka Kong Iamonlang M Syiem kum ka Chairperson ba thymmai jong ka Meghalaya State Commission for Women (MSCW). Ia kane la pyntip da u Bah Paul Lyngdoh, myntri jong ka tnad Social Welfare ka jylla haba kren sha ki lad pathai khubor hadien ba la kut ka jingialang.
Ka Iamonlang M Syiem, kadei ruh kaba la bat ruh kum ka Chairperson jong ka State Commission for Protection of Child’s Rights jong ka jylla bad kaba la kut myn ha ka 1 tarik jong u bnai Lber, 2024 bad kadei ruh ka Associate Professor bala shongthait noh kum ka Head of Department ka sobjek Sociology jong ka St. Edmunds College, Shillong.
