Kum u President ka National People’s Party (NPP) Meghalaya, ngam pat don jingtip ba u MP sha Rajya Sabha u Dr WR Kharlukhi un shongthait noh.
Ia kane la ong da u President ka NPP Meghalaya u Bah Prestone Tynsong halor Ka khubor hamsaia kaba la saphriang ba u MP ka NPP sha ka Rajya Sabha u Dr WR Kharlukhi un don ka jingthmu ban iehnoh ia ka kam MP.
Haba kyntait ia kane ka khubor, u Bah Prestone ula ong “Ma nga kum u President ka NPP, ngam don jingtip eiei kum kata”.
U Bah Prestone u la ong ba lada u don kano kano ka daw shimet ne ka jingeh, kata ka iaid da kawei ka rukom hynrei u dei ban phah da ka shithi sha ka bor jong ka party.
“Lada don ka daw shimet jong u, kata ka iaid da kumwei tangba u dei ban phah da ka shithi sha ka party hynrei kumba long mynta kam don eiei kaba kum kata” ula ong.
