Nongpoh, Jylliew 02: U MP barim ka Rajya Sabha u Dr. W.R Kharlukhi mynta ka sngi um shym la kren ei ei sa kaei pat ka sienjam kaba un shim hadien ba ka samoi treikam jong u kum u MP ka Rajya Sabha kan sa kut noh ha ka 21 tarik u Jylliew bad ruh la dep ban pynbna ba ka election jong ka election MP ka Rajya Sabha kan sa long noh ha ka 18 tarik u jylliew ha ka jylla.

Ia kane la pynpaw sha ki Nongthoh khubor da u u Dr. W.R Kharlukhi kum u MP ka Rajya Sabha haba wan plie paidbah mynta ka sngi iaka Mawlyndep Community Biofloc Fish Farming Unit ha ka shnong Mawlyndep.

Sa Pule Ruh | La 2 sngi Shah Thngan U Bah Marshal Ban Dawa Plie Ïaka Jingtih Dewiong Ha Jaintia

Wa la um pat pynpaw ia ka rai kaba un shim hadien ba la shongthaid kum u MP ka Rajya Sabha, hynrei u Dr. W.R Kharlukhi u la ong ba un lah ban bteng biang sha ka kam thoh kot ne kum kita ki Researcher ha ka kam thoh kot, ha kaba u la pynpaw ruh ban sa thoh shaphang kata ka Electoral behaviour of people, ka Concept of Democracy bad  la dep thoh teng ruh ia ka paper kaba dei shaphang ka Concept of Democracy of Jaintia Hills kaba u kham ban khia iaka Jaintia Hills .

Haba kren halor kitei ki bynta, u Dr. Kharlukhi u kren shaphang kata ka rukom thep vote kaba la don naduh ki 5th BC century shwan ban poi ka Great Civilizatio bad dei ha u snem 1972 ka la don ka seminar ba uwei u researcher u la pynpaw shaphang kane ka rukom thep vote bad shu sniewbok noh ba ha kita ki por ki ri sepngi kum pat tip ei ei shaphang kane ka rukom thep vote kaba la don lypa ha Jiantia Hills.

Sa Peit Ruh