Shillong, Nailar 19: U General Secretary ka Khasi Student Union (KSU) u samla Ruben Naijar ula pyntip baka seng kan dang bteng iaka jingiakhih daka ba iaid paidbah bad ka shong kyllain mungor haka 21 tarik Nailar ha Khyndai Lad.
Haba kren shaki lad pathai khubor hadien ka Rally arshaka, u samla Ruben ula ong ba ka KSU kala shim ia kane ka sienjam hadien baka jingaipor iaka Sorkar kala kut noh.
U samla Ruben ula iathuh ba haduh mynta ka Sorkar kam pat pyni ksai shaka seng ba kan shim iaki sienjam halor ki 5 tylli ki mat bala pynsngew shaka Sorkar.
Pule ruh: https://meghalayapost.news/news/highway-compensation-under-cloud-cswo-flags-alleged-irregularities-in-ri-bhoi-10016248.htmlHighway Compensation Under Cloud: CSWO Flags Alleged Irregularities in Ri-Bhoi
“Mynta ka sngi ka jingiaid Rally ha ryngkat ki lama iong ka pyni iaka jingpyrshah iaka Sorkar kaba dang sngap mynthi halor 5 tylli ki mat baka KSU kala pynsngew shaka Sorkar” la ong u Samla Ruben.
U samla Ruben ula iathuh ba haka 21 tarik Nailar, ka KSU kan pynlong daka jingiaid paidbah na Jaiaw haduh Khyndai Lad bad yn bud sa ka jingiakhih daka ba shong kyllain mungor.
“Kum kine ki jingiakhih kin dang bteng man ka sngi tad haduh baka Sorkar kan sngap bad pynurlong iaki 5 tylli ki mat baka KSU kala dep ban pynsngew shaka Sorkar” ula ong.
Peit ruh:
