U Vice President ka ri India, u Jagdeep Dhankhar bad ruh u Dr. Sudesh Dhankhar kin sa wan ban poi ha Nongbah Guwhati bad ha Nongbah Shillong, ha kaba la pynbeit ba kin wan pynlut por haduh 2 sngi, kata ha ka 16&17 tarik u Risaw 2024, kaba long shi bynta ka jingwan iuh kjat ha kine ki ar tylli ki jylla.
Kumba la ioh lum jingtip, la ong ba u Vice President ka ri India u Jagdeep Dharkhara, ha ka jingwan jngoh ia ka jylla Meghalaya ha Nongbah Shillong un la plie paidbah ruh ia u Mawnongrim ka Meghalaya Skill and Innovation Hub kaba don ha Mawdiangdiang jong ka New Shillong.
Shuh shuh, la ong ruh ba la pynbeit ruh ba u Vice President ka ri un leit ruh ban iuhkjat ia ka IT Park bad ka Raj Bhavan Shillong bad ruh ban ia kynduh kyrpang ia u Myntri rangbah ka jylla bad kiwei kiwei ki heh ophisar ka sorkar jylla.
