Haba sdang ka U-17 International Subroto Cup 2024, kaba la long ha Ambedkar Stadium, Delhi, ka kynhun ialehkai ka Mynken Christian Higher Secondary School, kaba la mihkhmat na ka jylla sha katei ka lympung ialehkai, ka la lah ban pynliem kput haduh 23-0 pyrshah ia ka DD&DNH.
Ka jingialehkai kaba mynta ka sngi, ka la long ba tang ha ka kylla step jong ka jingiakhun, ki rangialehkai ka Mynken Christian HSS ki la lah ban ialehkai bha eh bad kiba la nion tyngeh ia ki rangialehkai ka DD&DNH, haba ki la pynkut ia ka kylla step da kaba thep haduh 10-0.
Haba bteng ka kylla miet, ki rangialehkai ka Mynken Christian HSS, ki la nion tyngeh, ha kaba ki la ioh biang ban thep sa 13 kol, kaba la pynlong ia ka DD&DNH ba kan hap pdiang ia ka namrem kaba 23-0 hakhmat ka Mynken Christian HSS.
Ha ka U-17 International Subroto Cup 2024, ka Mynken Christian HSS ka don ha ka Group-F, ha kaba la donlang ka Chandigarh, ka Bihar, bad ka DD&DNH. Tang ki kynhun kiba don hakhlieh ha ka miej iakhein poin, ba kin ioh bsuh khlieh ialade ban rung sha ka Quarter Final.
