Ka Durand Cup 2024 ka la sdang hynnin ka sngi U Blei ha artylli ki jaka ialehkai, kata artylli ki jingiakhun la pynlong ha Kolkata bad kawei pat ha Jamshedpur.
Ha ka jingiakhun ha Kolkata, ka jingiakhun kaba nyngkong ka la long hapdeng ka Mohun Bagan pyrshah ia ka Downtown Heroes, ka Mohun Bagan ka la lah ban pynliem noh ia ka Downtown Heroes da 1-0.
Katba ha ba-ar kaba la long hapdeng ka Mohammedan Sports Club pyrshah ia ka Inter Kashi Football Club, ka jingiakhun ka la kut noh ha ka jingiakhaid kaba 1-1.
Haba phai pat ha ka jingiakhun kaba la long ha Jamshedpur, ka Jamshedpur Football Club, ka la lah ban pynliem noh ia ka kynhun ialehkai phutbol ki shipai Assam Rifles da 3-0.
Lah ruh ban kdew hangne, ba ka Durand Cup kaba mynta u snem, la pynlong ha 4 tylli ki jaka hapoh ka ri, kata kawei ha Nongbah Shillong, ha Kolkata, Jamshedpur bad ha Kokrajhar Assam.
