Ban sah kynmaw ia I para iba la khladnoh na kane ka pyrthei la 5 snem kynthih bad ban pynurlong ia ka jingangnud jong I bad ka iing ka sem, kawei ka longiing ka la shna ia kawei ka madan futsal kaba 7 A-side kaba nyngkong ha ka jylla kaba don ha Mawkasiang.
Ia kane ka madan futsal kaba heh bad kaba itynnad la plie paidbah da u bah Pyniaid Sing Syiem uba dei u CEM ka KHADC, ryngkat ka jingdonlang u bah Fantin Joseph Lakadong uba dei u MDC ka thaiñ, u rangbah shnong, ki nongkikam ka dorbar shnong Mawkasiang, ki nongialam a Mawkasiang Sports Social and Cultural Club, u Fr. Kennedy Kharkongor bad kiba shah khot sngewbha.
La iathuh ba ia kane ka madan ba la ai kyrteng ia kane ka madan ialehkai futsal da ka S.D Soccer Space ia kaba la ai nam ha ka kyrteng I para kane ka iing I kong Satcie Dora Nongdhar iba la bam kwai ha dwar u Blei bad la pynshna da ka Meckavo Sportd and Infra Private Limited ha ka jinglut kaba 1 klur tam
Na ka liang ki nongkren ki la pynpaw ka jingkmen bad ki la ai ka jingiaroh ia kane ka iing ka sem kaba la lah ban wanrah ia kane ka madan futsal ha shnong bad lyngba kane, kan long ka jingplie lad ia ki heprit, ki samla bad ki rangbah ban sdang kilan met ha kane ka madan lyngba ki kam ialehkai football katkum ki kyndon ka Futsal Football.
Ki nongkren ki la kitbok kitrwiang ruh, ia kane ka longing ba kin nang lah ban bteng ia k jingshakri paidbah lyngba ki kam ha kiba bun ki liang na ka bynta ka jingmyntoi lang jong ka imlang ka sahlang hapoh kane ka jylla hi baroh kawei.
