Marwei Na India Shah Jied Ka Riiohlang Dhar Kum Ka Match Official Ha Ka FIFA Women’s World Cup

New Delhi, Jylliew 26 : Ka All India Football Federation (AIFF), ka la pynbna ba ka Riohlang Dhar na Meghalaya, kaba dei ka Assistant Referee jong ka India bad FIFA, ka la shah jied ba kan long kum ka Match Official, na bynta ban pyniaid ia ka jingialehkai ha madan ha ka FIFA U20 Women’s WorldCup 2026  ha Poland.

Ka FIFA U20 Women’s World Cup 2026, kan sa long ha u bnai Nailur mynta u snem bad ha katei ka Lympung ialehkai phutbol ki kynthei, na India dei tang ka Riiohlang Dhar marwei, kaba la shah jied kum ka Match Official.

Sa pule ruh: Kyrpad Ka Synjuk Ki Rangbah Kur Na U CEM JHADC Ban Thaw Ain Kyrpang Halor Ka Riti Khein Kur Khein Kha

Lah ruh ban kdew hangne, ba ka Riiohlang Dhar, ka la dep shah jied teng ban pyniaid ia ka jingialehkai ha madan ha ka FIFA U-17 Women’s World Cup ha u snem 2024.

Ha ka kyrwoh jong ka AIFF, ka la ai jingiaroh ia ka Riiohlang Dhar halor ka jingshah jied ban long kum ka Match Offcial ha ka FIFA U20 Women’s World Cup 2026 bad kiba la pynpaw ba ka la long kum kawei na ki nongbtin lynti ne ka nongai mynsiem ia ka pateng ban wan, na bynta ki nongpyniaid ia ka jingialehkai phutbol ha Madan ha ka ri India hi baroh kawei.

Sa peit ruh