Nongpoh, Lber 21: Ka Seng Samla Lum Sohraman Lumdaitkhla, Bhoirymbong, ka la pynlong ia ka jingiakop mareh Marathon kaba 5KM, kaba la sdang na Mawbri bad pynkut ha Bhoirymbong SBI bad ha katei ka jingiakop mareh Marathon, ki la don da ki spah ngut ki samla kynthei shynrang bad heprit, kiba la wan ban iashimbynta.

Ia katei ka jingiakop mareh Marathon ka dei kaba la synniang pisa da u samla Boy Kurbah bad u Baker Maring, ki samla na ka Dong Sohraman bad haba sdang jong katei ka Marathon, la sakhi da ka jingdon u Mebankhraw Jyrwa, President Seng Samla Shnong, u Bah Pynhun Mawthoh, Secretary, ki seng longkmie lem bad kiwei.

Ha katei ka Marathon jong ka Seng Samla Lum Sohraman  Lumdaitkhla, la ailad tang ia ki samla kiba dei na ki shnong kiba hap ha Umroi Constituency.

Haba phai sha ki nongjop ha katei ka Marathon, ha ka liang ki Synrang ia ka kyrdan ba nyngkong la rah da u Ridor Muktih, u laiasuk Hinge ha ka kyrdan ba-ar bad u Tansing Kharshohnoh ha ka kyrdan balai.

Katba ha ka kyrdan ki kynthei, ka samla Inocent Lamare ha ka kyrdan ba nyngkong, ka Ibalawanri Muktieh bad ka Baphidahun Lyngdoh ha ka kyrdan balai, nalorkata la don ruh ki khusnam kyrpad na bynta kito ki nongiashim bynta kiba rit rta, ha kaba la ioh da u Thidor Kharmawlong ha ka liang ki shynrang bad Hanosha Nongrang ha ka liang ki kynthei.

Kitei ki jongjop ha katei ka jingleit shimbynta ha katei ka jingiakop Marathon, ki la ioh da ka khusnam lyngba ka pisa.