Nongpoh, Naitung 08: Namar ka jingtuid jong ki khynnah kiba thmu ban rung skul ha kawei naki skul ban sa plie thymmai kaba la tip kum ka Eklavya Modern Residential School kaba don haka shnong Pahamsyiem, ban sa sdang skul shen naduh u bnai ban wan, kala wanrah ka jingkulmar ïaki kmie ki kpa ha kaba ïadei bad ka rukom pdiang ïaki khynnah ha katei ka skul namar ka tarik ba khatduh ban pdiang ïaki form kan long shuwa ka 10 tarik Naitung.
Hadien ka jingkyrpad jong kiba bun ki kmie ki kpa halor ka jinglyngkot ka por naka liang u MLA ka Nongpoh u la ïakren bad ki ophisar ka tnad pule puthi ban pynjlan ïa ka tarik ban pdiang ïaki form bad hadien ka jingshimkhia u MLA ka Nongpoh u Bah Mayral Born Syiem ban ïakren bad naka liang ka ophis jong u Joint Director, Directorate of School Education and Literacy (DSEL) kala pynjlan ïaka tarik ban pdiang ïaki form sha ka 15 tarik Naitung bad ki khynnah kin hap ban ïakhun beit daka eksamin entrance ban ioh rung skul ha katei ka skul bad yn kham pdiang shuwa ïaki khynnah kiba wan naki longiing ba duk bad kiba dei ki trai muluk.
