Nongpoh, Rymphang 27: U Bah Pateng Myrsing u ba dang shu shah pynskhem kum u President ba thymmai ka Confederation of Ri-Bhoi People haba kren haka jingïalang pynsmai myntaka sngi u la kyntu ïaki dkhot ban ai ka kti kamon ka diang namar tang u nongïalam um lah ban leh eiei lada ki dkhot kim ai ka jingïatreilang haba shim kino kino ki mat bad ki sienjam.

U la ong ruh ba wat don ka jingmut ban kamai pisa ban ïaid pynheh shadem, ban kynroi ïaki nongïalam shnong haba phi don haka seng hynrei ban im sngewrit ïaid da ka burom ka akor ba kiwei ki bud ïaki nuksa ba bha, namar kum ka seng nangne shakhmat kan sa pynkhlaiñ ban shim ruh ki ishu kiba pher bapher naka bynta ka jingbha ki paidbah haka them Ri Bhoi bad ka jylla.

Shuh shuh, u la kyntu ruh ia ki nongialam bad ki dkhot ryngkat ki paidbah ba ia kyrshan lang na ka bynta ban bteng ka jingshakri, namar kum u nongialam ba hakhmat eh ka seng u angnud ban shakri hok na ka bynta ban peit ban khmih ia ki jingeh ki paidbah ha Ri Bhoi Distrct.