Hadien ka jingmih paidbah jong ki nongñiah kali na Assam ban khanglad ïak kali tourist bad kumjuh ruh ki kali shimet ban rung sha Assam, ki bor district na Ri-Bhoi naduh u majistor bad ki pulit kila hiar sha katei ka jaka ban tem ïaka huri hura bad ban kren sngewthuh bad ki nongïalam jong ki nongñiah kali kamai.
Naka liang ka kynhun ki nongñiah kali na Assam kila pynpaw ba kane ka kam kam dei bas dang ma ki hynrei dei ki nongñiah kali na Meghalaya kiba la khanglad ïaki kali na Assam ban rung sha ki jaka jngohkai pyrthei, bad kila pynpaw ruh ba kin weng ïa katei ka jingkhang ïaki kali Meghalaya tad haduh ban da lah ban pynbeit bad ka AMKTTA ka dei ban weng mardor ïaka jingiakhih bad kumjuh ruh kila dawa ba dei ban kem mardor ïa kiba donkti ban pynthud ïaki kali Assam ban rung sha Meghalaya.
Naka liang u Bah Andrew Myrthong kum u majistor u la leit ban iakren bad ki nongïalam katei ka kynhun ba kane baroh yn sa shimkhia da ka sorkar ban pynbeit ïa kine ki kynrum kynram bad kam don jingmut ba kin mih sha surok ban khang iaki kali namar kane ka ktah ïaki paidbah ba leit ba wan bad kum ka ka sorkar Meghalaya bad Assam kin sa shimkhia ban pynbeit ia kine ki kynrum kynram
