Yn Wan Plie Ka Myntri Ka Sorkar Pdeng Ïa Ka Iew Ba Thymmai Ha Polo

Shillong, Naitung 09: Ka Myntri ba dei peit ïa ka tnat pla tyngka (Finance) ka Sorkar Pdeng ka Nirmala Sitharaman ka lah ban wan plie ïaka iew thymmai lane ka Polo Market ha Shillong haka 10 tarik Naitung.
Ïa kane la pyntip da u Symbud Myntri Rangbah ka Jylla u Bah Sniawbhalang Dhar u ba khmih ïaka tnat Urban Affairs.
Haba kren shaki lad pathai khubor u Bah Sniawbhalang u la ïathuh ba ka jingpyntrei ïaka Polo Market ba thymmai kala dep bad naka liang ka Myntri Sorkar Pdeng kala mynjur ban wan plie paidbah haka por 3:30 janmiet haka 10 tarik Naitung.
“Ngam pat lah ban pynthikna hynrei katkum ka jingïakren ka Myntri Sorkar Pdeng kala mynjur ban wan plie ïaka Iew thymmai Polo Market” la ong u Bah Sniawbhalang.