Ki 2 ngut ki kyrtong naka jylla Meghalaya ba kynthup ïa u Dr. Ricky AJ Syngkon bala mih khmat naka Voice of the People Party (VPP) na Shillong Parliamentary Constituency bad u Saleng Sangma naka Indian National Congress kila jop kput haka jylla Meghalaya da kaba pynliem noh ïaki MP barim hadien bala dep ñiew ïaki vote.
Kum ban shu kdew hangne baroh 2 ngut ki MP barim bala mihkhmat ïaka Shillong bad Tura kila rem kput ha kane ka kynti kaba mynta bad ka daw hi ka dei ba ki paidbah ki kwah ka jingkylla ïaki nongmihkhmat.
Haba phai sha ka jingioh ïaki vote ha Shillong Parliamentary Constituency u Ricky AJ Syngkon u la ioh ban khur haduh 571078 vote bad tam haduh 371910 vote ïa u Bah Vincent H Pala u ba dei u MP barim u ba la ioh ban khur 199168 vote.
Katba ha Tura Parliamentary Constituency u Saleng Sangma naka party Indian National Congress u la ioh 383919 bad pynliem ïaka kyrtong ka NPP ka Agatha Sangma da 155241 votes.
JOP KPUT KA VVP NA SHILLONG BAD CONGRESS NA TURA HA MEGHALAYA
