Nongpoh, Jylliew 26: U Bah Balajied Rani, MDC ka party UDP na Nongpoh konstituensi u la pynpaw ia ka jingsngewsih kaba khraw halor ka jingkhlad kaba syndet u Bah Teinwell Dkhar, MDC ka Shella Konstituensi u ba la bat teng ruh kum u CEM ka KHADC.
U Bah Rani haba phah ia ka khubor sngewlem sha ka iing ka sem jong u Bah Teinwell Dkhar (Bam kwai ha dwar U Blei), u la pynpaw ruh, ba ka jingkhlad noh jong u Bah Teinwell Dkhar ka la long ka jingduhnong kaba khraw ymtang ia ka iing ka sem, hynrei wat ia ka party UDP khamtam ki paid nongkyrshan jong u na Shella konstituensi.
Watla u Bah Teinwell Dkhar u la dep shim rai lypa ban nym iakhun shuh ia ka ilekshon ban wan, hynrei ka jingkhlad noh jong u, kan pynduhnong shikatdei ia ka party UDP ha Shella konstituensi
