Shillong, Lber 03: Ka Khasi Students Union (KSU) Jowai Circle mynta ka sngi ka la dawa mardor na ka National Highway Authority of India (NHAI) ban pyndam noh mardor ia ki jingthoh ba bakla ia ka kyrteng shnong bad ruh ban buh thymmai daka jingthoh kaba biang pura ka kyrteng shnong.

Kane ka jingmih ka seng ban dawa pynbeit ia ki jingthoh ba bakla ha ka kyrteng shnong, ka dei hadien ba ka seng ka la lap ba ka NHAI ka la thoh bakla ia ka kyrteng Shnong Khliehriat da kaba thoh ‘Khaleriat’ ha ka signboard ba la pynieng ha Soomer ba hap ha ka surok bypass ha West Jaintia Hills.

Ka seng ka la dawa ruh baroh ki jingtoh bakala ia ki kyrteng shnong dei ban pynbeit noh tang hapoh shi bnai.

Kumba la pynpaw da ka KSU Jowai Circle, la ong ba kane ka jingbakla thoh ia ki kyrteng shnong ka la ju jia ruh ha ki por ba la dep bad wat ha ki Bank bad ka KSU ka la maham ba dei ban pynbeit mardor namar kane ka ktah ia ka jingsngew ki jaka ha Khai ne Jaintia.

Shuh shuh, ka seng ha ka jingialam u president u Samla Ewanmi Phawa bad kid hot ki la leit jurip ruh sha ka jaka ba don kane ka signboard  bad ki lad awa mardor ban weng noh ia katei ka signboard ba la thoh bakla ia ka kyrteng shnong.