Nongpoh Lber 5: Ka Ophis u District Immunization Officer Ri Bhoi District, Nongpoh mynta ka sngi ka la pynlait paidbah iaka HPV Vaccination Campaign Against Cervical Cancer ha ka jingialang ba la pynlong ha ka Ophis ka DM&HO Nongpoh.

Ha kane ka sngi la wan ban sakhi lang naaduh ki heh Officer ka Tnad ka koit ka khiah jong ka Ri Bhoi lem bad kiwei kiwei.

Haba kren sha ki ladpathai Khubor na ka Liang u Dr Benjamin Laitphlang District Immunization Officer ka Ri Bhoi District u la pyntip ba kane ka HPV VACCINATION CAMPAIGN kan sdang naduh mynta ka sngi 5 Tarik Lber 2026 bad kan kut haduh 31 tarik U Bnai Jymmang 2026, u la iathuh ruh ba kane ka HPV VACCINATION CAMPAIGN ka dei ka Vaccination Drive na ka bynta ki khun kynthei kiba la kynjoh 14 snem bad kiba hapoh 15 snem.

U Dr Benjamin Laitphlang u la iathuh ruh ba ka HPV Vaccine kadei kaba nyngkong eh ha ka Ri India kaba dang shu sdang na ka bynta ban ïada ia ka jingpangbampong na ka bynta ka Pla khun, u U Dr Benjamin u la kyrpat ruh ia ki kmie ki kpa ki Nongialam Shnong bad kiwei ki seng treimon sngewbha ba kin ka jingiatreilang bad ban pynsngewthuh bad ban ioh iaka jingpynshai Halor kane HPV VACCINATION.

Shuh shuh, u la pyntip ruh ba ia une u Vaccine la ban ioh tang na ki District Hospital, PHC, CHC bad State Dispensary, u la ong ruh ba kiba ai ia une u Vaccine ki dei ban ioh tang shi sien bad shuwa ba ki khynnah kin ai ia une vaccine dei ban ioh shwa iaka jingbit na ki kmie ki kpa jong ki Khynnah, bad ki khynnah kiba la shitom jur, ki ba long allergy bad kiba armet kim la ban ai ia une u Vaccine.

Kane ka jingpangbampong kadei kaba wan ba saw ha ka pyrthei baroh kawei bad kaba wan ba ar ha ka Ri India, ha kane ka sngi ba la pynlait paidbah ia kane ka HPV VACCINATION CAMPAIGN la sakhi ruh ba ki la don ar ngut ki Khynnah kynthei kiba la mih khmat ban ai ia une u Vaccine.