Nongpoh Lber 22: Ka Synjuk ki Rangbah Katholik ka Zone-VI kaba khyndai ka Shillong Archdiocese ha ka sngi u Blei ki la pynkut noh ia ka lympung ka jingiakynduh lang kaba ar sngi ha ka Sngi u Blei ha ka Balang Katholik ha Umrang Nongbah ba hap ha ka Lumsinai Parish Umden ha kaba la wan ban sakhi lang da ki hajar ngut ki paid riewngeit ka Balang Katholik na ki 6 tylli ki Parish ba hap ha ka Zone-VI.
Ia ka mass bakhuid la shim bynta da u Fr. Vernard Pala uba la pyndep ia ka niam ka rukom ha ryngkat ka jingdon lang u Spiritual Director ka Synjuk Seng Rangbah Katholik Zone VI, u Fr Johnpual Syiemsad, lem bad ki Parish Priest bapher bapher ba kynthup ïa u Fr Michelle Khongngain na Lumsinai Parish Umden bad u Fr Peter Syiemlieh na Nongpoh Parish.
Kiwei kiwei ki nongialam ka Synjuk Seng Rangbah Katholik ki kynthup ia u President ka Shillong Archdiocese, u Bah Richard Kahit, u President ka Zone VI, u Bah William Mynsong, ryngkat kiwei pat ki nongkitkam, ki Rangbah Balang, ki Head Catechist bad kiwei ki riew rangbah.
U Fr. Bernard Pala haba pharia ia ka ktien u Blei uba la ban khia ïa lai tylli ki bynta kiba kongsan da kaba ong ba ki riewngeit kin long kiba iai dwai man la ka por, ban don ka jingïadei kaba jan bad U Blei, bad ban im da ka jingieid, ka akor ka burom, kumba u Jisu Khrist u la hikai ïa ngi ban ieid iwei ïa iwei pat bad la pynkut pat ia kane ka lympung da ka jingïaid procession Iucharist, ha kaba ki balang shnong bapher bapher kiba hap hapoh ka Lumsinai Parish bad Zone VI ki la shim bynta shitrhem.
