Shillong, Iaiong 01: Ka jylla Meghalaya mynta ka sngi kala sakhi sa kawei pat ka sienjam kaba khraw ha kaba ïadei bad ka Internet, bad mynta wat sha ki jaka kyndong kynshrot ki bym ju don Internet mynta kin sa ioh hadien ba ka sorkar jylla lem bad ka Starlink India mynta ka sngi kila soi oala soskular lyngba ka Letter of Intent.

Kane ka dei ka jingkhmih lynti kaba la slem jong ki paidbah ban ioh ïaka Internet kaba sted lyngba ki kor satellite jong ka Starlink.

Ha kane ka sngi ka jingïasoi ban ioh ïaka Internet kaba sted haka jylla la sakhi ruh da ka jingdonlang u Conrad K Sangma Myntri Rangbah ka jylla, u Lakmen Rymbui Myntri ka tnad pule puthi ka jylla lem bad ki ophisar sorkar katba naka Starlink India la wan ban mihkhmat da u ka Gwynne Shotwell, President & COO SpaceX, ka Lauren Dreyer, Vice President Starlink Business Operations, u Prabhakar Jayakumar, Country Head, Starlink India lem bad kiwei kiwei.