Nongpoh, Iaiong 08: Namar ka jingleh kuman bad ka jingleh mynthi ka sorkar jylla halor ka mat jingdawa ka Green-Tech Foundation ban nym lilam ia ka dew lyngnong Lumpongdeng kaba don ha ka Pung Umiam sha kata ka Company ban shna ia  kita ki Hotel 5 star bad mynta ka sngi katei ka kynhun ka la pyni syndon da ka kam ha kaba la sakhi ba la dap da ki placard lyngba ki jingthoh pyrshah bapher bapher ban pyrshah jur ia ka sorkar jylla halor ka jingthmu ban lilam ia katei ka dew lyngnong Lumpongdeng sha ka Company.

Kum ka jingpyni syndon da ka kam ban pyrshah jur halor katei ka jingthmu ka sorkar, ka Green Tech Foundation, Meghaaya mynta ka sngi ki la hiar syndon ban pynong da ka jingshongkyllainmongor ba jar jar ha katei ka Pung Umiam ban pynpaw ia kata ka jingpyrshah kaba jur halor ka jingleh mynthi ka sorkar jylla.

Kumba la pynpaw da u Nongialam katei ka foundation, la ong ba kane ka jingshongkyllainmongor kan iaid bteng beit bad kin nym pyndem katba ka sorkar jylla kam pat ai iaka jubab ban sangeh noh ha kaba lilam ia u lumpongdeng na ka bynta ban shna ia kita ki Hotel 5 star.

Lada long kumno kumno ruh ryngkat ki paidbah kiba la kyrshan kin nym pyndem hakhmat ka sorkar bad ki iai bteng ban pyrshah da kaba shongkyllainmongor ha katei ka Lumpongdeng halor ka jingpyrsah kaba jur ban lilam ia katei ka dewlyngnong lumpongdeng, ong u nongialam ka Foundation.