Nongpoh, Ïaïong 10: U Myntri rangbah ka jylla Meghalaya u Conrad K. Sangma mynta ka sngi kum u kongsan u la pynkup burom ia ki samla pule kiba la ioh ban rung ha ka thup jong ka Top 20 ha ka SSLC examination 2026  (SSLC Toppers) kiba dei na ki skul ba hap ha Rilum Khasi Jaintia bad ia kane ka jingpynkup burom la pynlong ha Nongbah Shillong.

Ha kane ka prokram pynkup burom ia kitei ki samla ba la wan shakhmat ha ka SSLC examianation 2026 la don ryngkat ruh u Myntri ka tnad Pule Puthi u Bah Lakmen Rymbui, u Commissioner & Secretary, Education, u Vijay Kumar Mantri, ki kmie ki kpa, ki nonghikai bad ki ophisar na ka tnat pule puthi.

Haba ai khublei kyrpang halor kane ka jingjop bad ka burom ba la ioh da kine ki samla pule, u Conrad Sangma kum u mytri rangabah ka jylla, u laong ba ha ki snem ba la leit noh ki duna bha kiba pas ha ka examination bad kane ka la ktah ia u kum u myntri rangbah ka jylla bad u kyrmen skhem ba kane ka jingdang lah ki khynnah ban pas bha ha ki examination kan wan rah ka jingkylla ban dang lah ban kyntiew ia ka pule ka puthi hapoh ka jylla.

Shuh shuh, u la pynpaw ruh ba ka jingthmu kane ka jingpynkup burom ka long ban pynpaw burom sha ka pyrthei ba ngi sngewsarong halor kane ka jingjop ki samla pule bad kane ka dei ruh namar ka jingtrei shitom kaba ki poi sha kane ka thong ka jingjop bad ka burom.

Ha kajuh ka por, u la kyrpad ruh iaki samla pule ba ki dei ban don ka akor ka burom, ka jingdang trei shitom bad sngewrit khnang ba kin lah ban poi sha ka thong jong ka jingjop ha ka lawei jingim jongki.