Nongpoh, Ïaiong 10: Ki 2 ngut ki briew ki la mynsaw jur bad 2 ngut pat ki la mynsaw malu mala, kaba dei hadien ba kawei ka Kali ATM Van kaba don ïa u number ML 05 H 7246 ka la leit ban tynrah kynsan ïa kawei ka Kali Ignis kaba don ïa u Number ML 10 B 6053.

Kane ka jingjia ka la jia mynta ka janmiet ha ka por 3 baje ei ei ha Umling ba hap ha ka surokbah National Highway-6 ha Ri Bhoi, ha kaba la kynnoh ba katei ka Kali ATM Van ha ka jingpynher sted ïa ka Kali bad ïaid na ka wrong side ka la leit ban tynrah ïa katei ka Kali Ignis ba ki 2 ngut ki la mynsaw jur bad 2 ngut pat ki la mynsaw malu mala kiba shong ha katei ka kali Ignis.

Halor kane ka jingjia, ïa kitei ki ba mynsaw la rah noh mardor dfa ka JSEL Ambulance sha Civil Hospital Nongpoh ban ioh ïa ka jingsumar bad na ka liang ki Pulit ka Nongpoh Police Station ruh ki la wan ban mardor sha katei ka jaka ban pynlong ïa ka jingtohkit kaba bniah.