New Delhi, Jylliew 26: Ha ka jingiaid jong ka Parliament Session ha ka sngi kaba lai ban pynlong ruh ia ka ilekshon ban jied ia u Lamphang ka Lok Sabha, u Om Birla, u kyrtong ba la pynieng da ka National Democratic Alliance (NDA) ba la lamkhmat da ka party Bhartiya Janata Party (BJP) u la ioh ia ka jingjop suk ia kane ka ilekshon ban bat biang ia katei ka shuki da kaba pynliem ia u kyrtong ba la pynieng da ka seng Congress, u K Suresh.
Hadien katei ka jingjop suk, na ka liang jong u myntri rangbah ka ri, u Narendra Modi, lem bad u nongialam ka party Congress, u Rahul Gandhi, ki la leit ban ai khublei kyrpang ia u Om Birla bad synran ruh ia u, ban leit shimti ia katei ka shuki Lamphang.
