Ha ka jingiakhun ha ka Group-B jong ka Copa America, ka Ecuador ka la pynliem noh da 3-1 pyrshah ia ka Jamaica, katba ka Venezuela ka la pynliem noh ia ka Mexico da 1-0.
Haba phai halor ka jingiakhun hapdeng ka Ecuador pyrshah ia ka Jamaica, ka Ecuador ka la lah ban lamkhmat ia ka jingiakhun lyngba ka kol ia kaba la thep hi da u K. Palmer ha ka minit kaba 13 jong ka jingiakhun bad hadien kata, ka Ecuador ka la ioh biang ban thep biang sha shi kol lyngba u K. Paez ha ka minit kaba 45, kaba la wan lyngba ha ka dur jong ka Penalty.
Haba bteng ka kylla miet jong ka jingiakhun, ka Jamaica ka la ialeh ban pynphai ia kitei ki kol, kaba la thep da ka Ecuador bad ha kaba kum katei ka por, ka la ioh ban pynphai ha ka minit kaba 54 lyngba u M. Antonio. Hynrei katba ka jingiakhun ka la iaid shakhmat bad shwa ba ka jingiakhun kan poi noh shaba kut, ka Ecuador ka la ioh biang ban thep kol ha ka minit 90 ia kaba la thep da u A. Minda.
Katba haba ha ka jingiakhun kaba la long hapdeng Venezuela pyrshah ia ka Jamaica, ka Venezuela ka la lah ban pynliem noh ia ka Jamaica da 1-0, lyngba ka kol ia kaba la thep da u J. Rondon ha ka minit kaba 57.
