Ka jingiakhun ha ka kylla ba nyngkong jong ka European Cup 2024 ka la poi noh sha kaba kut bad ka Round-16 kan sa sdang ha ka miet jongka 29 tarik mynta u bnai, ha kaba ka jingiakhun kan long hapdeng ka Switzerland pyrshah ia ka Italy.
Haba phai sha ka jingiakhun kaba hynnin ka sngi, ha ka Group-E ka jingiakhun kaba la long hapdeng ka Belgium bad Ukraine, ka la kut noh ha ka jingiakhaid kaba 0-0. Katba ha ka jingiakhun kaba la long hapdeng ka Romanis bad ka Slovakia ka la kut ha ka jingiakhaid kaba 1-1.
Ha kaba kut na ka Group-E, baroh ki ri kiba don ha katei ka Group ki ioh mar mar 4 poin, hynrei ka Romania bad Belgium, ki la ioh ban rung sha ka Round-16 jong ka Euro Cup 2024.
Katba haba phai sha ka jingiakhun hapdeng ki kynhun kiba don ha ka Group-F, ka jingiakhun kaba la long hapdeng ka Portugal pyrshah ia ka Georgia, ka Portugal ka la shah pynliem noh ha ka Georgia da 2-0. Katba ka jingiakhun kaba la long hapdeng ka Turkey pyrshah ia ka Czech Republic, ka Turkey ka la pynliem noh ia ka Czech Republic da 2-1.
Ha ka Group-F, ka Portugal bad Turkiye ki la ioh ban rung sha ka Round-16, kata hadien ba ki la ioh mar 6 poin ha ka miej iakhein poin.
