Arngut ki samla khasi ia kaba la tip kyrteng kum u Manbhakupar Malngiang bad u Banlamkupar Rynjah, ki la shah jied bad ka kyrteng jong ki, ka la rung ha ka thup ki 31 ngut ki rangialehkai phutbol bad ki ban sa mihkhmat na ka India, ha ka jingpynkhreh ka ri ban iashimbynta ha ka South Asian Football Federation (SAFF) kaba mynta u snem ha Bhutan.
Lyngba katei ka jingshah kynthup kitei ki arngut ki samla Khasi ha ka thup ba 30 ngut, na bynta ban jied ia ki rangialehkai bad ki ban sa mihkhmat ia ri, ka la long shisha ka jingsngew sarong ia ka jaidbynriew bad ka jylla hi baroh kawei.
Ha ka lympung ialehkai ka SAFF, kin don hynniew tylli ki ri ki ban iashimbynta, ha kaba ka India ka don ha ka Group-A, kaba la donlang ka Maldives bad Bangladesh, hynrei ka Nepal, Pakistan bad ki don ka Group-B.
Ki rangialehkai kiba la don ha ka thup jong kitei ki 31 ngut, ki kynthup ia u Rohit, Aheibam Suraj Singh, Nandan Ray kum ki rangapkol. U Thongram Rishikanta Singh, Lekhachandra Phairembam, Mohammed Kaif, Asher Rebello, Yaipharemba Chingakham, Usham Thoungamba, Chingtham Renin Singh, Karish Soram, Abdul Salha, Jodric Abranches kum ki rangapdien.
Kitei ki rangialehkai Khasi ki la rung ha ka thup jong ki rangialehkai pdeng kum u Ngamgouhou Mate, Lunkhongam Chongloi, Kishor Tiwari, Laishram Suraj Singh, Levis Zangminlun, Mohammad Sami, Vishal Yadav, Mohammad Shameel, Mohammad Arbash bad u Brahmacharimayum Sumit Sharma.
Ha ka thup jong ki rangialehkai shakhmat, la rung ka kyrteng jong u Ginminhao Khongsai, Prem Hansdak, Ahongshangbam Samson, Lairenjam Bharat, Hemneichung Lunkim, Dhriten Mehra.
