Nongpoh, Jylliew 04: Ka United Ribhoi Cricket Club ka la long ka lahduh haka Lympung jong ka Ribhoi Cricket Challenge Trophy kaba 8 kaba la pynïaid daka Ribhoi District Cricket Association RBDCA hadien ba ka la lah ban pynliem noh iaka Umlangpur Cricket Club da shi wicket bad khur syndon iaka song pisa kaba 1 lakh tyngka bad ka Umlangpur CC ka la ioh ban rah iaka song pisa kaba 50 hajar tyngka bad kane ka lympung ïalehkai cricket ka la poi sha kaba kut.

Ha kane ka sngi la wan ban sakhi lang da ka MDC jong ka Nongpoh ka Kong Rona Khymdeit kum ka kongsan, haka jingiadonlang u Bah Rayonald Kharkami Secretary ka MCA, u Bah Rajiv Bareh Vice President MCA, bah Mebanphira Swer Joint Secretary MCA, bah Eddie Shylla Treasurer MCA, Bah Banteilang Lyngdoh President SWKHD, Bah Mark Peter Sawian President SCA, Bah Niangstar Wahlang Secretary Eastern West Khasi Hills, u Bah Michael Kharhunai Secretary ka RBDCA, Bah Ferdinald Kharkami Vice President lem bad kiwei kiwei.

Sa pule ruh:Kem ki Pulit pahara khlaw ka Assam ïa u Rangbah, kynnoh ba ka dei tang ka jingpharep

Haba phai sha ka Jingiakhun Phainal, Ka United Ribhoi ka la jop ïaka jingïakop Kyntieng Pisa bad ka la jied ban kwang nyngkong iaka ball. Haba wan ban tied nyngkong naka liang ka Umlangpur CC ka la lah ban lehkai tang ïaki 18 overs bad shi ball, ïoh kamai tang 78 runs.

Haka kylla ka baar jong katei ka Jingialehkai, Naka liang ka United Ribhoi ka la wan beh ia katei ka runs, hynrei ki nongtied ka United Ribhoi CC ki la jwat ban beh ïa katei ka runs namar ka jingtbit ki nong kawang ball bad dei haduh ka over kaba 18 ki la lah ban kot ïa katei ka runs kata 79 runs bad duh noh 9 wickets bad ka lah ban pynliem syndon iaka Umlangpur CC da Shi Wickets.

Naka liang ka RBDCA ka la Sam ruh iaki khusnam Shimet kynthup naduh u Samla Benedict Makdoh uba la ioh iaka nam Best Bowler bad Player of the Tournament, u Samla Kausav Ali u la ioh ia ka nam Best Batter, u Samla Badonnam John Mylliemngap u la ioh iaka nam Man of the match.

Sa peit ruh