Nongpoh, Jylliew 11: ki 3 ngut ki la mynsaw jur bad 2 ngut ki shu pang met pang phad, hadien ba ka Dukan ka la khyllem kynsan na ka jingwan tynrah kynsan kawei ka Kali Swift.
Kane ka jingjia ka la jia mynta ka sngi ha ka por 12 baje ei ei ha Umdihar ba kali swift kaba don ia u number AS 01 GQ 2040 ka dang wan na Shillong bad ha ka jingpynher sted ka la leit tynrah ia katei ka dukan bam haduh ba la julor bad khyllem syndon.
Sa pule ruh: Shoh Dusmon U Nongniah Taksi Ia U Tymmen Tang Namar Ba Pynong Wat Biah Klumar
Kane ka dukan ka dei jong ka Kong Lapilang Syngkli bad Daiahun Lyngdoh bad kiba la mynsaw ha kane ka jingjia ki kynthup u Wanshanbor Lyngdoh, Hambulstar Syngkli bad u Neverson Sylliang kiba dei hi na ka shnong Umdihar.
Ia kitei kiba la mynsaw la rah noh sha Civil Hospital Nongpoh ban shah sumar bad ki Pulit ka Nongpoh ruh ki dang pynlong ia ka jingtohkit halor kane ka jingjia.
Sa peit ruh
