Nongpoh, Jylliew 29: Ka ophis jong ka District Medical and Health Officer (DMHO), Ri Bhoi District, mynta ka sngi ka la sdang ïa ka National Immunisation Day – Pulse Polio Campaign kum shi bynta jong ka jingbteng ban pynkhlaiñ ïa ka jingïada ïa ki khyllung na ka jingpang Polio bad ban pynurlong ïa ka thong ban pynduhjait syndon ïa kane ka jingpang.
Ïa kane ka prokram la plie paidbah ha Nongpoh Urban Health & Wellness Centre, Umlingkdait, da u Deputy Commissioner ka Ri Bhoi District, u Dr. Abhishek Saini, ha ka jingdonlang ka District Medical and Health Officer, ka Dr. A.R. Marak, ki ophisar bad ki nongtrei ka tnat ka koit ka khiah bad ki kmie ki kpa kiba la wanrah ïa la ki khun ban ïoh pyndih dawai Polio.
Sa pule ruh: Duh U Rangbah Iala Ka Jingim Ba Shah Ïuh Kynsan Ha Ka Trok Ha Nongpoh
Ha kane ka sngi naka liang u Deputy Commissioner u la wanrah ïa la i khun ban pyndih ïa ka dawai Polio kaba long kum ka nuksa ban ai mynsiem ïa ki kmie ki kpa ba kin ym pynslem hynrei ban pynthikna ba ki khun jong ki kin ïoh ïa kane ka jingïada kaba donkam eh.
Ka Pulse Polio Campaign ka dei ka prokram ba la pyntreikam da ka sorkar ban pynthikna ba baroh ki khyllung kiba hapoh san snem ka rta kin ïoh ïa ka jingïada na ka jingpang Polio bad ban khanglad ïa kano kano ka jingkhie im biang jong kane ka jingpang.
Haba kren ha kane ka sngi naka liang u DC u la ai khublei ïaka tnad ka koit ka khiah kaba la pynlong ïa kane ka prokram kaba donkam naka bynta ki khyllung ban lait naka jingpang polio bad kyntu ruh ïaki kmie ki kpa ban shimkhia ïa kane khnang ba ki khun kin lait na kane ka jingpang.
Sa peit ruh
