Nongpih, Jylliew 28: Uwei u rangbah briew u la duh syndon ia lanka jingim hadien ba u la shah syllad bad shah ïuh ha kawei ka trok kaba la phet krad hadien katei ka jingjia.
Kane ka jingjia ka la jia mynta ka janmiet sngi U Blei ha ka por 7.30 janmiet ha Nongpoh ba hap ha ka surokbah National Highway-6 ha Ri Bhoi District.
Une u rangbah ba la duh syndon iala ka jingim la tip kyrteng kum u Christopher Diengdoh ha ka rta kaba 50 snem.
Kumba la iathuh da ki paidbah ba iohi la ong ba une u rangbah u mut jam sha shiliang ka surok ha ki bynta ba hap ha lad Mawkapiah, hynrei kawei ka trok ka la syllad bad ïuh ia u haduh ba la mynsaw bad duh syndon ia la ka jingim ha katei ka jaka.
Halor kane ka jingjia ki pulit na Nongpoh ki la wan poi mardor ban tohkit bad hadien kata la rah noh ia une u rangbah sha Civil Hospital Nongpoh ban pyndep ia ka postmortem examination. Kumba long haduh mynta ki Pulit ka Nongpoh ki dang tohkit bniah ruh ban ioh bat ia katei ka Trok kaba la phet bad la pyntip ruh sha kiwei kiwei police station ban kiew sha Shillong khnang ban ioh bat ia katei ka trok.
Sa peit ruh
