Nongpoh, Jylliew 30: Ka St Joseph Academy of Nursing, kaba don ha Umtrew Ri-Bhoi District mynta ka sngi kala pynkup burom ïa 45 ngut ki samla pule haka Graduation Day kiba dei ki kynhun ba ar, na katei ka shlem pule, kiba la pyndep ïaka Graduate haka General Nursing and Midwifery (GNM) jong u snem 2022-25 ha ka jingïalang kaba shongkun kaba la pynlong ha CFI Centre haka shnong Nonglum, ha Ri-Bhoi District.
Ha kane ka jingpynkup burom ïa kitei ki 45 ngut ki samla, u James PK Sangma MP ka Rajya Sabha u la wan ban shim bynta kum u kongsan haka jingdonlang u Bah HM Shangpliang Advisor ka tnad pule puthi ka sorkar jylla kum u symbud kongsan, u Bah AL Hek, Advisor bad Director ka St. Joseph Academy of Nursing, Umtrew, ka Kong Lucky Warbah Principal ka Dr. H Gordon Roberts College of Nursing, ka kong Ibanrilin Ranee Principal ka St. Joseph Academy of Nursing, ki nonghikai, ki kmie ki kpa lem bad ki samla pule.
Kum ka dak ka jingburom bad ka jinglehkmen ïaka jingjop jong kitei ki samla kiba la pyndep ïaka jingpule GNM bad ki ban sa mih noh na katei ka shlem ai jinghikai ban leit shakri sha ki jaka bapher bapher, naka liang ki bor pynïaid kila aiti ruh da ki momentous sha baroh 45 ngut ki samla.
Haba kren ha kane ka sngi naka liang u James PK Sangma kum u kongsan u la ong ba kane ka dei ka sngi kaba kmen hadien ka jingtrei shitom haki 3 snem lynter ban pynkhreh ban minot bad pule ban pyndep ïa kane ka course, hynrei hadien baroh ki jingtrei shitom, ki jingeh bad ki jingtynjuh kane ka dei pat ka sngi kaba kmen kaba kum ki samla kila pyndep ïaka jingpule.
Pule ruh:Sexual Harassment Case: Naba Rejects James Sangma’s Allegations Of Inaction
U la ong ruh bun naki samla hadien ka jingpule ki sngew laitluid bad sngew kumba la rangbah hynrei ki don pat shibun ki jingpyrkhat naka bynta ka lawei khamtam kumno ban iohkam iohjam, ban kyrshan ïalade bad kumjuh ïaka iing.
Kane ka dei ka kam kaba phi la jied kumta shakri hok kumba phi la dep ban pule bad pyntbit watla kin sa don shibun ki jingeh, hynrei ngi kyrmen skhem ba ka jingshakri jong phi kan wanrah ka jingkylla ïaka imlang ka sahlang khamtam kiba donkam ka jingïarap, nalor ka dawai kaba hap ban dih ka jingjemnud bad ka khmat ba phuh samrkhie kan sa pynkoit ïaki nongpang jong phi, ha kaba ki briew kiba long ki nongwei bym pat ju kynduh kin shaniah ïaka jingim ha phi, la ong u James.
Peit ruh:
