Shillong, Naitung 09: Ka Hills State People’s Democratic Party (HSPDP) hynne ka sngi kala pynbna ba kan nym kyrshan ïa u kyrtong ka United Democratic Party (UDP) haka ilekshon MP shiteng samoi na Shillong Parliamentary Seat.
Ïa kane la pynbna da u President ka HSPDP u Bah KP Pangniang daka ba ong ba ka jing rai ban nym kyrshan ïa u kyrtong ka UDP kadei namar ba ka HSPDP ka kwah ban pynieng da ka shap (Symbol) ym daka shap jong ka UDP.
Pule ruh: Twa Kynsan Ka Kynroh Ka Skul Holy Cross Ha Umkiang, Khlem Don Ba Mynsaw
Lah ban kdew baka HSPDP kadei kaba Party kaba don lang haka Regional Democratic Alliance (RDA) bad ka UDP.
Haba kren shaki lad pathai khubor u Bah Pangniang ula ong “Hoid ngi don haka RDA baroh shi kata, ngi la ïa kyrshan ruh ïa u kyrtong jong ka UDP haka kyrteng jong ka RDA la kumba 1-2 ha kine ki ilekshon bala dep, hynrei ha kane ka kynti pat de, naka liang ka jong ngi, ngi kwah ban kren shai ba ngin nym kyrshan ïa u kyrtong jong ka UDP” la ong u Bah Pangniang.
Peit ruh:
Shuh shuh, u la bynrap ruh da kaba ong ba ha kane ka kynti kumba ka party ka la rai ban nym kyrshan ïa u kyrtong ka UDP, hynrei na ka bynta ki nongkyrshan bad ki nongïalam ka HSPDP ka shong ha ka jingstad jongki ban kyrshan ïa uno u kyrtong uba ki sngew bit ban kyrshan.
