Nongpoh, Naitung 20: Ki samla na ki thain bapher bapher ka jylla mynta ka sngi ki la mih madan ha Nongbah Shillong ban ai ka jingkyrshan kaba pura ia u Sonam Wangchuk uba la leit ban shah thngan ha Jantar Mantar bad dang ha ka sngi Saitjan mynstep u la shah rah jubor na ka jaka shah thbgan sha Hospital ha ki bor Pulit ka Delhi kaba dei halor ka jinghiar ka koit ka khiah jong u.
Na ka liang ki samla pule ka jylla mynta ka sngi (Shillong Youth Movement) ki la ia mih madan ban pynlong ia ka jingiakhih ha Don Bosco Square, Shillong bad kine ki samla ki la rah ia ki placard ryngkat ki jingthoh bapher bapher kaba ki ai jingkyrshan ia u Sonam Wangchuk bad dawa ruh na ka sorkar kmie ban shim khia halor katei ka jingshah thngan ha Delhi kaba u Sonam Wangchuk u ieng ban kyrshan ia ki samla pule ka ri.
Pule ruh:Rakhe ka Hima Nongkhlaw iaka Lyngkhuh Sngi Iap u Tirot Sing bad jingdap 500 snem ka Hima
Kine ki samla pule ka Nongbah Shillong ki la mih ruh ban iakhih, na ka bynta ban dawa ia ka hok bad ruh ban shim khai mardor halor ka jingshah thngan ki samla pule ha Jantar Mantar Delhi ryngka tu Sonam Wangchuk.
Peit ruh:
Ha kane ka jingiakhih, ki bynta ba hakhmat ba ki la dawa ka long ba bun ki samla pule ki la duh noh ia la ka jingim, na ka daw ka jinglait tuh ka Questioin paper jong ka NEET-UG bad ki la dawa ruh ba u Myntri ka tnad pule puthi ka sorkar India u dei ban hiar shuki bad dei ruh ban ai ka jingiada ia u Sonam Wangchuk bad ki samla kiba ia khih ha Delhi ban dawa ia ka hok.
