La Register Mokotduma Ki Pulit Ia U Muktiar Ba Kynnoh Leh Kynshein Ia Ka Samla

Shillong, Naitung 29: U Superintendent of Police (City) u Bah Dangsan Khyriem Rynjah ula pyntip ba ki Pulit kila dep ban Register Case halor ka jingkynnoh ba uwei u Muktiar (Lawyer) ula leh kynshlein ia kawei ka samla kaba dang shim iaka jinghikai (Law Intern).

Haba kren shaki lad pathai khubor u Bah Dangsan ula iathuh ba ha ka 28 tarik Naitung 2026, ki Pulit ka Sardar Police Station kila ioh pdiang ïa ka jingujor na kawei ka samla (Law Intern) ba uwei u Muktiar (Lawyer) u thmu ban leh kynshlein iaka ha ka kamra kaba don ha Keating Road hajan Geonka.

“Katkum ka ejahar u Muktiar (Lawyer) ula khot iaka samla ha ka kamra jong u bad nangta u la pyrshang ban jrong kti iaka. Kane ka samla kala phet na katei ka kamra bad ula khot biang iaka hapoh kamra ha kaba u pyrshang biang ban leh kynshlein ia ka” la ong u Bah Dangsan.

Sa pule ruh: Ai Jingthoh Ka Seng Ki Longkmie Sha U Dc Ban Pyrshah Ia Ka Public Hearing Ka Shree Cement

U Bah Dangsan ula iathuh ba katkum ka ejahar kane ka samla kala pan jingiarap na ki paralok jong ka, hynrei hadien kata u Muktiar u la pyrshang ban siew pisa iaka samla bad u la kyntu iaka ban iakynduh biang ha ka sngi Saitjain.

“Hynrei hadien katei ka jingjia ka samla ka la mih noh na katei ka kamra bad kala pyntip sha ki paralok jong ka ia katei ka jingjia bad nangta ka la ujor daka ejahar kaba la register case ha Sardar Police Station katkum ka Case Sardar PC Case Number 265 ba la pynhap katkum ka kyndon 74 bad 75 jong ka BNS” ula ong.

Sa peit ruh