Shillong, Nailar 06: Haka jingleittur paidbah ki nongïalam lem bad ki nongkyrshan ka VPP, u Bah Ardent Miller Basaiawmoit haba kren ha kane ka sngi u la ther tyngeh ia ka sorkar jylla halor shibun ki mat kiba ktah ia ki paidbah bad ki kam leh thombor kane ka sorkar ia ki paidbah.
Kawei na kaba u la ther tyngeh ka long ban dawa ban pyndam noh ia ka Public Hearing ka shree Cement ba la shu pynlong jubor bad siat tear gas ia ki paidbah, ka jingdawa ban pyndam noh ia ka DSC thungkam ha West Jaintia Hils ba la kynnoh ba ka don ka jinglehtuh bad u la ther tyngeh ruh halor ka jingbym shngain ka jingpyntrei ia ka surok na Shillong sha Dawki lyngba ka Pynursla baba bun ki mynsiem ki la duh bad ka jingpyntrei torti ia ka kam.
Shuh shuh, u la ong ruh ba ka VPP bad ki paidbah kin nym pyndem ia kane ka sorkar bad kane ka jingleh thombor ka sorkar ka la pynsat shisha ia ki paidbah, namar dei halor kine ki kam thombor ne ki km synshar donbor ba la pynlong ruh ia ka VPP bad ki paidbah ban tur sha Secretariat ban dawa ia ka hok bad ruh ba kin dang bteng ban pyrshah lada kane ka sorkar kam synshar katkum ka hok jong u paidbah.
U la kynnoh ruh halor kine ki kam leh donbor ne thombor ia ki paidbah kaba la pynsat ia ki piadbah bad ka VPP kam don ka jingartatien ba ka VPP kan ioh ban synshar ha u snem 2028 ba ki paidbah ki la sngewthuh lut ia ki kam ba leh donbor da kane ka sorkar.
Sa peit ruh
