Julor Ka Iing Briew Ba Sied Ki Maw Na Ka Jaka Pynbthei Maw Ka Jaka Shimet Ha 11Mer Jorabat

Jorabat, Nailar 06: Ka la don kawei ka jingjia ba pynbthei maw ha kawei ka jaka shimet ha shnong 11Mer Jorabat bad ha katei ka jingpynbthei maw, ka la wanrah ia ka jingjulor ia kawei ka iing, kata ka dei na ka jingsied bad her ki maw na katei ka jaka kaba la pynbthei maw.

Katei ka jingjia, ka la jia mynta ka step ha ka por 4 baje eiei mynstep, ha kaba na ka jingpynbthei maw na katei ka jaka, ka la pynlong ia ki maw ba kin her sha ki iing briew bad kaba la pynpei ia ki bynta ba tap ia ka iing, hynrei shu donbok ba ym shym la don kiba mynsaw.

Katkum ka jingiathuh da ki briew ha katei ka shnong, la ong ba ka jingpynbthei maw ha katei ka jaka, ka dei kaba la leh ha ki kynta ba dangstep phyrngab, kata ha ki por 3 ne 4 baje mynstep bad kaba la pynduh thiah pynduh dem ia ki briew ha katei ka shnong.

Sa pule ruh: Ialam hi u Bah Ardent ia ka jingiaid paidbah sha Secretariat, pynkhlain ki Bor Distrik ia ka jingpahara

Haba iadei bad ka jingpynbthei maw ha katei ka jaka, ki briew na katei ka shnong, ki la pynpaw ia ka jingsngew syier mynsiem, wat la ki don ha ki ing ki sem, namar ka jingwan her ki maw sha ki jaka sah jong ki.

Halor katei ka jingpynbthei maw ha katei ka jaka, ki paidbah na katei ka shnong, ki la pynpaw ba ka don jingma bad kaba lah ruh ban pynmynsaw, namar lada jia ba kitei ki maw kin dei ia ki briew.

Sa peit ruh