Na ka phone Call shah byrngem ka Kong Christabell, maham ban mudi ejehar lada ym wan ia kren.

Nongpoh, Nailar 10: Ka Kong Christabell Wanniang kaba dei ka Secretary ka CSWO ka la byrngem ia ki briew kiba la wan ban byrngem lyngba ka phone ba ki dei ban wan ia kynduh ia ka markhmat ban wad ia ka jingshisha bad lada kim kloi ban wan sha ka jingiakren ka la rai ban leh da kaba tyngeh wat ba ujor syndon da ka ejehar ha SP ka Ri Bhoi.

Haba kren sha ki lad pathai khubor, ka Kong Christbell Wanniang ka la ong ba ha ka janmiet jong ka sngi saitjain ha ka por 7.18 janmiet ka la ioh pdiang ia kawei ka phone call bad kaei kaba ka sngewkhia ka long ba ba utei briew uba phone ia ka u la kren da ki ktien sieh ktien sang bad kynnoh ruh ba ka wan tuklar ia ki kam shnong kam thaw bad pynjah burom ia ka Shnong Lumnongrim Dewlieh.

Ka la ong ruh ba kane ka jingwan phone utei u rangbah ia ka ka lah ban dei na ka jingtuklar jongka ia ki kam shnong kam thaw kiba ia dei bad ki khunswet ha ka shnong Lumnongrim Dewlieh bad ban wan byrngem da ka kaba shu call ka long kaba ym lah ban pdiang bad lada ki kwah ban tip ia ka jingshisha dei ban wan ia kren markhmat bad ka kloi ruh ban pynshai ba kam shym la pynjah burom bad ka iakhun na ka bynta ka hok ki khunswet.

Pule ruh:Ïeng Beaiñ Ki Truck Ha Surokbah Khlem Burom Ïaka Aiñ | Her Krad Mar Ïa Poi Ki Pulit Bad Ki Ophisar

Ka laiathuh ruh ha ka jingshisha ka khun jongka, ka la bthah ia ban ai da ka ejehar pyrshah ia utei u briew ba la suba ba ki ia don lang bad kiwei kiwei kiba la byrngem ia ka, hynrei kam pat kwah ban leh da ka lynti ka ain bad ka kwah ba kin wan ia kren lada ki don kano kano kaba ki kwah jingpynshai.

Shuh shuh, shwa ba kan leit sha ka ain ne ban ujor syndon da ka ejehar pyrshah ia utei u briew ba call ia ka lyngba utei u number phone, ka dawa ba dei ban wan ia kren ryngkat kiba haing hasem jongki bad lada ki kyntait ban wan ia kren kam banse ban ujor noh da ka ejehar bad ha kata ka por kim don hok ban kynnoh ba ka leh donbor namar ba shu byrngem ha ka phone call kam long kaba lah ban pdiang ha kaba kane ka buh jingma ruh ia ka jingim jongka bad kan sa ujor beit sha ka ain khnang ba kitei ki briew kiba don kti ban byrngem lyngba ki ktien sieh ktien sang kin ngat katkum ki kyndon jong ka ain, ka la bynrap.

Peit ruh: