Nongpoh, Nailar 24:Ha kawei ka jingjia Aksident kaba la jia mynta ka sngi ha kapor kumba 12 baje eiei kawei ka kali Alto K10 kaba don ia u Registration number ML 05 M 5111 ka la kylla khongpong hapdeng jong ka Surokbah hadien ba ka la leit ban tynrah nadien jong kawei ka kali Hyundai i20 kaba don ia u Registration number ML 10 S 0110.
Kane ka jingjia ka la jia ha Surok bah jong ka National Highway 6 ka lynti ka ban leit na Nongpoh sha shillong kaba don mar pyrshah jong ka Resturant Risai bad ka ophis Sericulture.
Sa pule ruh: New Church Building Of Qualapatty Church Of God Opened
Katkum ki tyllong khubor la ong ba, katba u Nongñiah jong katei ka kali Hyundai i20 u dang iaid suki daka jingthmu ban khun sha ka liang kamon la wan kynsan katei ka Alto K10 nadien bad ka la leit ban tynrah nadien jong katei ka Hyundai.
Na katei ka jingjia ka Kali Hyundai ka la noh sha nala kaba don ha khap jong katei ka Surok bah katba ka Alto kaba Tynrah nadien ka la kylla lyngdang hapdeng jong katei ka Surok bah katba ki Nongñiah jong baroh artylli ki kali ki la mynsaw malu mala.
Naka liang ki Pulit ki la poi mar mar sha katei ka jaka ban pynlong ïaka jingtohkit bad ban weng noh ia kitei ki artylli ki kali na katei ka jaka ban lait na kino kino ki jingwit haka leit ka wan jong ki kali bad ki Paidbah.
Sa peit ruh
