Ka PMVDY ka Pynroi ïa Ki Lad Kamai Kiba Lah ban Pynneh Bad Ka Jingpynmih Kam La Jong ha Meghalaya

Shillong, Nailar 24: Ka Pradhan Mantri Van Dhan Yojana (PMVDY) ka la long ka lad kaba kongsan bha ban kyntiew ïa ki lad kamai kiba lah ban neh slem bad ban pynroi ïa ka jingpynmih kam la jong hapdeng ki paidbah jong ki jaitbynriew, lyngba ka jingpynmih dor shuh shuh ïa ki jingmih na ki khlaw kiba rit (Minor Forest Produce) bad kiwei pat ki jingdon na ka mariang. Ha Meghalaya, ka Meghalaya Basin Management Agency (MBMA), kum ka State Implementing Agency (SIA), ka la pyntreikam ïa kane ka skhim da kaba pynïasoh bad ka Entrepreneurship Development Institute of India (EDII), Ahmedabad, da kaba pynleit jingmut ha ka jingkyntiew ïa ki sap bad jingnang, ka jingpynmih ïa ki kamai-jingim bad ki karkhana rit, bad ka jingpynkupbor ïa ki paidbah ha ka liang ka ioh ka kot lyngba ka jingpyndonkam ïa ki jingdon na ki khlaw bad ki mar rep kiba don ha ki thaiñ bapher bapher.

Ka EDII Ahmedabad ka pynlong ïa ki prokram jinghikai bad jingpynkhlaiñ ïa ki sap ha baroh ki distrik jong ka Meghalaya, kata East Jaintia Hills, West Jaintia Hills, East Khasi Hills, West Khasi Hills, South West Khasi Hills, Eastern West Khasi Hills, Ri Bhoi, East Garo Hills, West Garo Hills, North Garo Hills, South Garo Hills bad South West Garo Hills. Kine ki prokram ki thmu ban kyntiew ïa ki sap bad jingnang ha ka liang ka jingpynmih kam la jong jong ki nongïoh jingïarap na ki jaitbynriew, ki Self-Help Groups (SHGs) bad ki nongshna kti ha ki thaiñ nongkyndong. Ka jingpyntreikam ïa kine ki prokram ka thmu ban pynmih ïa ki lad kamai kiba lah ban neh slem, katba dang pynneh pynsah ruh ïa ka jingtip tynrai bad ki rukom treikam tynrai lyngba ki jinghikai bapher bapher halor ka jingpynmih dor shuh shuh ïa ki MFP, kiba la phiah ha ki bynta kiba kongsan, kata ha ki mar bam (Food Processing) bad Jingthain/jingshna pynwandur da ka kti bad kiwei kiwe. (Craft & Allied Products).

Pule ruh: Kylla Khongpong Ka Alto K10, Sha Nala Hap Ka i20 | Ka Jingjia Aksident Ha Nongpoh

Ha ka bynta jong ka MFP Value Addition, la hikai ïa ki nongïoh jingïarap ban pynkhreh ïa ki soh, ki jingthung bad ki mar rep kiba don ha ki shnong bad ki thaiñ, bad ban pynkylla ïa ki sha ki mar kiba lah ban die ha ka ïew. Kine ki kynthup ïa ki ashar, jam, umsoh , wine na ki soh, sauce, powder na u khaw, chips na ki kait ki phandieng,mitmit na ki soh,  kiba kynthup ïa ka powder shynrai, powder sying bad ryngkat bad ki Ginger mouth freshener(ki jingbam pyn pangad ktien ba la shna da u sying) bad kiwei kiwei ki mar.

Ka EDII Ahmedabad ka ai ruh ïa ki jinghikai ha ka organic dyeing jong u Eri yarn, ka jingpynmih ïa ki mar pyndonkam na u siej, ka jingrep sniangdoh, ka jingpynmih ïa ki jingdeng na u siej bad u rattan, ka jingpynmih sabon na ki jingthung, ka jingpynmih ïa ki kynthei pynitynnad bad ki aromatic candle, ka jingpynmih ïa ki mar pynitynnad na ka khyndew, ka jingpynleh crochet, ki mar shna kti na ka fibre jong u sohñiamtra, ki jingdeng na ki maw khun, ka ri ngap bad ka jingpynkhreh ïa ka ngap, bad ka jingpynmih ïa ki mar na ka Paper Mache. Kine ki kam ki shong nongrim ha ki jingdon spah jong ka mariang bad ha ka sap shna kti tynrai kaba la don lypa ha kylleng ka Meghalaya.

Peit ruh:

Ka rukom pyntreikam jong ka EDII kam pynleit jingmut tang ha ka jingpynkupbor ïa ki sap bad jingnang, hynrei ka kynthup ruh ïa ka jinghikai ïa ki sap treikam paidbah, kum ka VDVK Management & Entrepreneurship Development Programme (EDPs), ka jingnang jingstad ha ka liang ka pisa tyngka bad ka jingbuh kot (FLBK) Financial Literacy and Book Keeping (FLBK), bad Packaging ryngkat ka  Branding. bad ka jingpynkhreh ia ki kot ryngkat bad ka jingpynrung kyrteng bad kiwei kiwei. La pynshlur ia ki nongioh jingmyntoi ban seng ia ki karkhana rit  bad ki rukom treikam ba la pynshong nongrim ha ka imlang sahlang na ka bynta ka ki kynhun pynmih mar, bad ki rukom kamai kiba shong nongrim ha ka imlang sahlang, khnang ban pynneh slem ïa ki kam, ban kyntiew bad pynkhlain  ïa ka ioh ka kot jong ki longiing bad ki shnong.