Shillong, Nailar 25: U general secretary barim ka Khasi Students’ Union (KSU) u samla Donald V Thabah u la ong baka Central Executive Committee (CEC) ba thymmai kan sa shim iaka rai halor ka jingkhot iakren u Myntri Rangbah ka Jylla halor 5 tylli ki mat jingdawa.
Ia kane u samla Donald ula ong hadien ba ki nongialam ka KSU ha ryngkat ka jingsynran lang ki nongialam CEC barim kila leit kynduh iaki 3 ngut ki nongialam ka CEC thymmai ha District Jail.
Lah ban kdew ba iaki nongialam ba hakhmat duh jong ka KSU naduh u samla Raymond Kharjana, President, u samla Pynkmenlang Sanmiet, Vice President bad u samla Reuben Najiar, General Secretary la wan ialam biang sha Shillong bad mynta ki don ha District Jail.
Haba kren shaki lad pathai khubor u samla Donald ula iathuh ba baroh 3 ngut ki nongialam ka KSU CEC ki don hapdeng ka met kaba koit ba khiah.
“Ka KSU CEC kan sa lum ka jingialang kyrkieh ban iakren halor ka jingkhot iakren u Myntri Rangbah ka Jylla halor 5 tylli ki mat jingdawa. Ka CEC hi kan sa shim iaka rai, la kan kyntait ne pdiang iaka jingkhot iakren ka Sorkar Jylla” ula ong.
Lah ban kdew ba haduh mynta 4 ngut ki nongialam KSU CEC kila shah kem, hadien ba mih ka kynrum kynram haka Rally arshaka kaba la long haka 19 tarik Nailar ha nongbah Shillong.
[…] Sa pule ruh: Leit jngoh ki nongialam ka KSU ia ki nongialam ba shah kem ha District Jail Shillong […]