Nongpoh, Nailar 24: Kum shibynta ban lum ban lang ia ki samla jong ka Parish Mawbri bad ban lait na kino kino ki jingsniew ne ki jingshah ktha ki khun samla, Ka Seng Samla Catholic parish Mawbri haka 22 tarik u Nailar 2026 ka la ioh ban pynlong ia ka sport meet ba shisngi jong u snem 2026 kaba la pynlong ha Sub-district Nongtraw ha ka Balang Shnong Nongtraw.
Ha kane ka sngi la wan iashim bynta na baroh ki saw tylli ki Sub-district kiba hap hapoh Mawbri Parish kiba kynthup ia ka Sub-district Umroi, Sub-district Raid iapngar , Sub-district Mawbri bad ka Sub-district Nongtraw.
Ha ka por mynstep la wan plie ia ka sport meet da u MDC jong ka Umroi Constituency bah Isynei Hinge kum u kongsan , u bah Bandari Ryntathiang kum u symbud kongsan ha ka jingiadon ryngkat lang u Rangbah Shnong ka Shnong Nongtraw bah Robert Dempep ,samla Phrangki Marbaniang President Seng Samla Catholic parish Mawbri bad samla precious John Madur secretary Seng Samla Catholic parish Mawbri.
Pule ruh: La ioh iaid sahuh ki Kali paidbah ba la weng ki Dribar Tourist ia ka jingiakhih ha Jorabat
Ha ka por janmiet la wan ban pynhap pyrda ia ka sport meet ba da ka kong Naphishisha Marweiñ kum ka kongsan bad u bah Revilstar kharumnuid kum u symbud kongsan ha ka jingiadon ryngkat u Fr Sherman Kongshei ba dei SYD jong ka Seng Samla Catholic parish Mawbri.
Ha kane ka sngi ki don bunjait ki jingialehkai kiba khynthup ia ka football ,ka Tug of war,sack Race bad ka pillow fight.
Peit ruh:
Ha ka jingialehkai phubol ki shynrang, kaSeng Samla Sub-district Raid Iapngar ka la pynliem noh ia ka Seng Samla Catholic Sub-district Umroi bad na ka liang ki kynthei ka sengsamla Sub-district Mawbri ka la pynliem noh ia ka Seng Samla Sub-district Nongtraw. Haka jingialehkai tug of War ne tan tylli na ka liang ki shynrang ka Seng Samla Sub-district Raid Iapngar kala pynliem ia ka Seng Samla Sub-district Mawbri bad na liang ki khynthei ka Seng Samla Sub-district Raid Iapngar ka la pynliem noh ia ka Seng Samla Catholic Sub-district Umroi.
