Nongpoh, Nailar 25: Haduh 5 tylli ki kynhun seng bhalang na Assam mynta ka sngi ki la pynlong ia ka jingiakhih ha jaka phai Kali (U-turn) kaba don ha Baridua mar pyrshah bad ka CRPF camp ba hap hapoh ka surok National Highway-27 ha khappud Meghalaya bad Assam.
Kitei ki kynhun seng kiba la mih ban ia khih ki kynthup ia ka Greater Dimoria Combined Youth Power, All Assam Youth Association, Deori People Justice Forum, Scheduled Caste Youth Students’ Union, bad ka Jorabat Students’ Union.
Ka daw kaba la pynlong ia ki ban iakhih ka long ban pyrshah halor ka jingbym shim khia ki bor sorkar ka Assam halor ka jingeh ki paidbah na ka jingdon katei ka jaka phai kali (U-turn) kaba don ha khmat ka khyrdop jong ka CRPF Camp ha Baridua.
Pule ruh:Pynher lama ehrngiew ka KSU ha ka ophis ha Jaiaw na ka jingwan thombor ki Pulit
Ki don ruh ki jingrung jingmih beain ki Kali ha kane ka jaka, kaba la ju wan rah ia ka jingdheng ki Kali na ka por sha ka por bad halor kane ki la kynnoh ba ki bor ba dei peit kim ju shim khia satia.
Peit ruh:
Na ka liang kitei ki seng kiba la ia khih ki la dawa mardor ba dei ban pynduh noh ia katei ka jaka phai kali ha kane ka surokbah National Highway-27, namar ka jingiaid beain ki Kali ka ktah ym tang ia ki paidbah ba leit ba wan bad ka wan rah ruh ka jingma bad ka jingdheng kali kaba la jia na ka por sha ka por kaba la wan rah jingeh shisha ia ki paidbah nongleit nonwan.
