Nongpoh, Nailur 07: Ka Mini Secretariat ha Patharkhmah ne ka building na bynta ban pynlong kum ka jaka ban trei ne pyniaid beit pyniaid ryntih ia ki kam ki jam kiba iadei bad ka Patharkhmah Civil Sub Division, kan sa sdang noh shen ban pyntrei ha kine ki bnai ban wan.
Ia kane la pynthikna da u Bah Sosthenes Sohtun, MLA/MDC Jirang bad uba dei ruh u Myntri ha ka sorkar jylla, kata ka dei hadien ba ma u ha ryngkat ki nongialam shnong bad ki riew rangbah, ki la leit ban jurip ia ka jaka ka ban sa tei ia katei ka Mini Secretariat, ia kaba yn sa tei ha ka jinglut ka ban kot kumba T. 17 klur tam.
Sa pule ruh: Hadien 20 Snem Iohrung AFC Asian Cup 2027 Ka Kynhun Ialehkai Phutbol U-20 Ka India
Haba iadei bad katei ka jingurlong ka Mini Secretariat, u Bah Sosthenes Sohtun, u la ai khublei ia ka sorkar bad khamtam eh ia u Conrad K. Sangma, uba long kum u Myntri Rangbah, namar dei lyngba ka jingiarap ka sorkar, ba sa poi shibun ki kam pynroi ha Jirang Constituency.
Ka jingioh ia ka Patharkhmah Civil Sub Division bad mynta sa ka Mini Secretariat, ka dei ka jingkyrkhu ia ki paidbah ha Ri Bhoi Sepngi hi baroh kawei, namar lyngba katei ka Mini Secretariat, yn sa lah ban pyndep ia shibun ki kam ki jam kiba iadei bad ki paidbah ka thain Ri Bhoi Sepngi, u la bynrap.
Sa peit ruh
