Ka jingkilan met ba 16 jong ki shipai ka ri India bad Mongolia bala tip kum ka Joint Military Exercise Nomadic Elephant kan long haka jylla Meghalaya naduh ka 3 tarik haduh 16 tarik Naitung ha Joint Training Node ha Umroi da ka jingthmu ban kyntiew ïa ka jingiatreilang hapdeng kitei ki 2 kynhun shipai bad kumjuh ruh ban sam ïaki buit kilan ban tem ïaki nongshun.
Katei ka jingkilan bala tip kum ka Nomadic Elephant la ju pynlong shisien shisnem haka ri India bad Mongolia bad ka sien ba 15 jong katei ka jingkilan la pynlong ha Ulaanbaatar jong ka ri Mongolia ha kaba naka liang ki shipai kin kham pynleit jingmut haki jaka ba kham eh bad long lum katkum ka jingbthah jong ka United Nation.
